s

धेरै युवा विदेश पठाउने मन्त्री सफल होइन – मन्त्री यादव

श्रम रोजगार तथा सामाजिक सुरक्षा मन्त्री रामेश्वर राय यादवले धेरै युवा विदेश पठाउने मन्त्री सफल नहुने बताएका छन्।बिहीबार मन्त्रालयको जिम्मेवारी सम्हालेका मन्त्री यादवले युवा शक्तिलाई नेपालमै रोजगारी सृजना गर्ने र विदेश जान रोक्ने बताए।

‘अहिलेसम्म धेरै कर जम्मा गर्ने अर्थमन्त्री र धेरै विदेश पठाउने श्रम मन्त्री सफल भन्ने मान्यता छ,’ मन्त्री यादवले भने, ‘अब त्यो मान्यता फेर्नुपर्छ। मेरो सोच युवालाई स्वदेशमै रोक्ने र विदेश जानेलाई तालिम दिएर मात्रै पठाउने छ, यो मेरो प्रतिवद्धता हो।’

उनले नेपालको श्रम सबैभन्दा ठूलो सम्पती भएको बताए । सुखी नेपाली र समृद्ध नेपालको सपना युवाशक्ति विना पूरा नहुने भन्दै उनले त्यसको व्यवस्थापनमा आफू लाग्ने प्रतिवद्धता जनाए।

उनले वैदेशिक रोजगारीमा रहेको व्यथिति र विसंगती समाप्त गर्ने र विदेश जाँदा नेपालीले गौरव गर्नसक्ने वातावरण बनाउने दाबी गरे।वैदेशिक रोजगारीमा भ्रष्टाचारलाई पूर्णरूपले बन्द गरिने उनको प्रतिवद्धता छ।

Published on: 22 November 2019 | Setopati

Link

Back to list

;